Al-allukoyen ti Liberal Party (LP) ni sigud a Vice President Leni Robredo a tumaray iti kinasenador iti laksid nga immuna a kinuna daytoy a tumaray daytoy iti kinamayor idiay Naga City iti 2025 local and national election.
Sigun kenni Liberal Party President ken Albay Representative Edcel Lagman, resrespetoenda ti decision ni Robredo a tumaray iti local position nu pay kasta, kidkidawenda kenkuana nga agbalin daytoy nga aktibo iti national campaign.
Posible met a saan a makompleto ti Liberal Party ti 12 slots dagitoy iti “senatorial bets” nu sadino uppat laeng kadagitoy ti tumaray gapu iti kinakurang ti pondo.
Kabayatanna, kinuna ni Lagman nga awan ti makitkitana a posibilidad a partnership ti “pink forces” kenni President Ferdinand Marcos Jr. kagiddan ti panggep ti Duterte family a tumaray iti kinasenador.
Malaksid iti dayta, awan met ti panggepda a makialyansa iti pwersa ti Duterte.
Iti agdama, ti Liberal Party ket kaalyansa ti Magdalo and partylist Katipunan ng Nagkakaisang Pilipino.
