BAGUIO CITY – Impalubos ti lokal a gobierno ti Baguio ti libre a panagsanay ditoy siudad dagiti atleta a lumaban iti 2021 Southeast Asian Games wenno 31st SEA Games a maangay sadiay Hanoi, Vietnam.
Karaman kadagiti napalubosan ket dagiti atleta ti boksing, combat sports ken dadduma pay.
Nupay kasta, impetteng ni Mayor Benjamin Magalong a nasken a masurot dagiti pagalagadan kontra iti COVID-19 bayat ti panagsanayda ditoy siudad.
Agserbi a venue ti training bubble ti Teacher’s Camp ken agpaut ti panagsanay dagiti atleta iti uppat a bulan.
Impanamnama met ni Ramon Fernandez, commissioner ti Philippine Sports Commission ti panagsurotda kadagiti amin a paglintegan ti Baguio kontra iti COVID-19.