--Ads--
BAGUIO CITY- Naidanonen iti Asipulo, Ifugao ti Free Wi-fi for All-Free Public Internet Access Program ti Department of Information and Communications Technology (DICT).
Naimuntar ti free Wi-Fi sites iti Asipulo Municipal gymnasium, Municipal Town hall, ken Municipal Health Office (MHO).
Naawagan daytoy kas freewifi4all nu sadinno mabalin a madanon ti signal ti 50 metro radius.
Panggep ti DICT nga ipaayan ti libre nga internet connection ti publiko para iti oportunidad a makabiruk iti trabaho, matulongan iti edukasion, makaala iti ad-ado pay nga impormasion ket makipaset iti dumakdakkel a digital economy.
