Kiniddaw ni Noel Ferrer, manager ni 2020 Tokyo Olympics gold medalist Hidilyn Diaz iti maysa nga independent oil company nga ipaayanda iti importansiya ti inkari dagitoy a lifetime free fuel incentive para kenni Diaz.
Daytoy ket kalpasan nga ado a netizens ti nangipeksa iti apalda kenni first-ever Olympic gold medalist Diaz nu sadino sigun kadakuada ket ni laeng Diaz ti saan a maap-apektaran iti ngumatngato a presyo dagiti produkto a petrolyo gapu ta adda ti naikari kenkuana a lifetime free fuel incentive.
Nupay kasta, imbutaktak ni Ferrer nga agpaysu a nakaawat ni Diaz iti fuel support manipud iti nagkari nga independent oil company ngem iti laeng umano agingga maika-dua a tawen sipud nangabak daytoy iti gold medal idi 2020.
Kinunana a kalpasan dayta ket awanen ti naipaay kenni Diaz a fuel support.
“Hidilyn told me that she received fuel support for the first two years after her win. Thanks, but to be accurate, it wasn’t for a lifetime. I’m not sure whose lifetime the people had in mind.”
Impeksa pay ni Ferrer a sapay koma ta ipaayaan iti importansiya dagiti atleta a nangipaay iti pakaidayawan ti pagilian.
“Sana matuto tayong bigyan ng importansya hindi lang ang mga salita at pangakong binitawan, kundi ang pagpapahalaga sa mga atletang naghatid ng karangalan sa bansa. Sadly, this is also symptomatic of how we regard athletes who are no longer in the limelight, even when they continue to contribute to sports and to the country. May these tough times bring out the best in-and the honesty to match public pronouncements.”
