--Ads--
BAGUIO CITY – Naideklara a drug-free ti lima a barangay ti Bontoc, Mountain Province babaen iti Regional Oversight Committee on Barangay Drug Clearing Program.
Dagitoy ket dagiti barangay ti Tocucan, Gonogon, Guina-ang, Maligcong ken Bayyo.
Dinayaw met ni Bontoc Mayor Franklin Odsey dagiti barangay officials ken dagiti umili dagiti lima a baro a naideklara a drug-cleared barangays gapu iti panagkaykaysada iti panakalapped ti panagwaras ti iligal a droga iti masakupan dagitoy.
Dinakamatna a nairteng ti panangimplementar ti Bontoc iti kampanya ti gobyerno kontra iti iligal a droga manipud naiyusuat iti panagrugi ti administrasyon ni Presidente Rodrigo Duterte idi 2016.
