--Ads--
Nailukat dagiti lima a dams manipud iti nagduduma a lugar iti Luzon tapno mangiruar iti danum kagiddan ti agtultuloy a panagbayakabak ti tudo nga intunda ti tropical storm Kristine.
Dua a gate ti nailukat iti Binga Dam a masarakan iti probinsya ti Benguet, nailukat metlaeng dagiti sumagmamano a gate iti Ambuklao Dam iti metlaeng probinsya ti Benguet.
Nailukat metlaeng ti Magat Dam, iti San Roque Dam idiay Pangasinan, pakairamanan ti Ipo Dam idiay Bulacan.
Daytoy ket kasaruno paylaeng iti imbilin ni President Ferdinand “Bongbong” Marcos Jr. para iti nainget a monitoring kadagiti dam kagiddan ti bagyo.
Sigun iti presidente, kasapulan a mailukat dagiti sumagmamano an gate dagiti dams tapno maliklikan ti panaglayos.
