Pimmusay ti lima nga indibidual gapu iti leptospirosis iti San Lazaro Hospital sadiay Manila.
Nailista ti nasao a bilang dagiti pimmusay iti immuna a lima nga aldaw ti agdama a bulan.
Sigun kadagiti sumagmamano a doktor iti nasao nga ospital, amin dagiti pimmusay ket nagdaliasat iti layus gapu iti agtultuloy a panagtudo nga intunda ti Southwest Monsoon (Habagat) ken tropical cyclones idi July.
Kabayatanna, kinuna ti San Lazaro Hospital medical center chief a ni Dr. David Suplico, posible a maaddaan dagiti pasiente iti komplikasion iti kidney, liver, respiratory system wenno lungs iti dua aginga pito nga aldaw.
Naobserbaranda metlaeng a marigatan dagitoy nga agisbo ken ag-anges.
Maibasar iti datos, 45 dagiti pasiente iti leptospirosis a na ospital iti San Lazaro Hospital.
Kaaduan kadagiti pasiente ket manipud iti Metro Manila, Cavite, ken Laguna.
