--Ads--
BAGUIO CITY – Manarimaan ti panagpaagas ti lima nga indibidual a nadangran iti aksidente sadiay Monticello Road, Camp 7, Baguio City.
Nabigbig dagitoy a da Jhon David, Rennie Paneda, Christian Velasques, Danny Sapitula, bin-ig a construction worker ken ni Bernadeth Pineda.
Maibasar iti report, sumang-sang-at ti armored vehicle nga imanmaneho ni Eman Sabangan, agtawen iti 42, security guard ken residente Quezon City ti Montecillo road.
Nupay kasta, napaay nga agchange gear ti driver isu a nagatras ti lugan ken ditoyna a dinungparna ti maysa a motorsiklo ken dagiti uppat a construction workers.
Dagos met a naitaray iti pagagasan dagiti nadangran iti insidente.
