Pimmusay ti lima nga indibidual ken nadangran ti walo pulo ket tallo a dadduma pay babaen kadagiti puersa ti Israel idiay makin-abagatan a Lebanon, sigun iti Lebanese Health Ministry.
Kagiddan ti balakad ti Israel kadagiti umili a saanda nga agsubli kadagiti pagtaenganda nangruna iti nagbeddengen ti dua a pagilian.
Ti ipupusay dagiti indibidual ket kalpasan a nagleppas ti deadline idi Domingo para iti Israel a mangikkat iti puersada manipod iti nasao a lugar, kas paset ti ceasefire agreement a nagpatingga iti adu a bulan a panagsusupiat iti Hezbollah.
Iti sidong ti November ceasefire agreement, agpada nga immanamong ti Israeli ken Hamas nga umikkat ti puersada manipod iti southern Lebanon iti Enero baente sais.
Ngem sigun iti gobeirno ti Israel, saan nga umikkat amin a puersada iti southern Lebanon ken pinabasolda ti Lebanon gaputa napaayda a mangtungpal ti katulagan.
Inakusaran gamin ti Lebanese army ti Israel ti “procrastination.”
Iti agdama, maur-uray paylaeng ti komento wenno desision ti maseknan a pagilian ken grupo maipapan iti nasao a banag.
