Insingasing ni Senate Minority Leader Aquilino Pimentel III ti panakaaramid ti linteg seknan ti panakaimplimintar ti Memorandum Circular 52 gapu ta mamati daytoy a saan nga umdas ti memorandum circular laeng nangruna ta adda ti existing law para iti national anthem, ken flag-raising ceremonies.
Maipalagip a naipaiyolog ti nasao a direktiba itay laeng kanikadua a mangimanmandato iti panangkanta ken panangirecite iti “Bagong Pilipinas” hymn ken pledge iti linawas a flag raising ceremonies kadagiti national government agencies ken instrumentalities, kasta met dagiti Local Government Units(LGUs).
Kinuna met ni Senate Majority Leader Francis Tolentino a masapol a mailawlawag nu ti Memorandum Circular 52 ket para laeng kadagiti adda iti executive branch wenno para iti amin.
Iti met benneg ni Senate Pro-Tempore Jinggoy Estrada, saan a iligal wenno iregular ti nasao a pammilin gapu ta pangep daytoy nga itandudo ti good governance ken naprogreso a panangidaulo.
Innayonna nga awan ti nagdumaan daytoy ket ti panagkanta kadagiti Senate, school, ken university hymns a wagas tapno maipaganetget ti patriotism ken panagkaykaysa.
