Insingasing ni Akbayan party-list Rep. Chel Diokno a maitranslate iti Filipino ken dadduma pay a diyalekto dagiti linteg iti Pilipinas tapno maawatan dagiti Pilipino.
Impila ni Diokno ti House Bill 3863, wenno Batas sa Sariling Wika Act wenno Law in Native Language Act tapno ad-ado a Pilipino ti makaawat kadagiti nilaon dagiti linteg.
Nakalanad iti singasing ni Diokna a maamyendaran ti Revised Administrative Code of 1987 tapno maitranslate iti tallo a diyalekto dagiti linteg ti pagilian kas iti Filipino, Bisaya ken Ilokano.
Dagitoy a diyalekto ti mangbukbukkel kadagiti uppat a kadakkelan nga groups a pakairamanan ti Tagalog (26%), Bisaya (14.3%), Ilokano (8%), ken Cebuano (8%).
Nakalanad metlaeng iti singasing ni Diokno a rumbeng nga amin a baro a linteg nga addaan iti pannusa a penal ket rumbeng a maitranslate kadagiti nadakamat a diyalekto iti uneg ti 90 nga aldaw ken rumbeng nga amin a linteg nga addaan iti penal a probisyon pakairamanan ti Revised Penal Code, Labor Code, RA 7610 (Special Protection of Children Against Child Abuse, Exploitation and Discrimination Act), Anti-VAWC Act, Safe Spaces Act, ken Magna Carta of Filipino Seafarers, ken dadduma pay ket nasken a maitranslate iti uneg ti lima a tawen.
