--Ads--
Maipalpalagip kadagiti amin a residente sadiay La Trinidad, Benguet ti Executive Order No. 024-2025 wenno ti panakaideklara ti liquor ban a mangrugi inton ala-una ita nga aldaw, Maundy Thursday agingga inton Abril baente uno iti agdama a tawen.
Daytoy ket kas panang-obserbar iti Holy week 2025 a pinirmaan ni Mayor Romeo Salda idi Abril katorse ita a tawen.
Gapu iti dayta, kinuna ni Police Captain Roland Salingsing, Operation Officer ti La Trinidad Municipal Police Station a maiparit ti panakailako, panakaideliver ken panaginom kadagiti nasao nga aldaw.
Iti sabali a bangir, maipakpakaamo iti publiko a ti number coding scheme sadiay La Trinidad, Benguet ket nasuspindi ita a Maundy Thursday agingga inton bigat Good Friday.
