--Ads--
BAGUIO CITY–Nagballaag ti Philippine Drug Enforcement Agency (PDEA)-Cordillera kadagiti opisial ti barangay a karaman iti iligal a droga nga agpangpanggep nga agngayangay manen iti masungad a Barangay ken Sangguniang Kabataan (SK) elections.
Kasaruno pay laeng daytoy iti waragawag a dumanon iti agarup 300 a barangay officials iti pagilian ti karaman iti iligal a droga.
Binalakadan ni Atty. Joseph Frederick Calulut, pannakangiwat ti PDEA-Cordillera dagiti umili a saanda a ibotos dagiti opisial a karaman iti narco-list ni Presidente Rodrigo Duterte.
Nupay kasta, saan pay nga inwaragawag ti PDEA ti bilang dagiti barangay official iti rehion a karaman iti narco-list.
Sigun ken ni Calulut, iti agdama ket maberberipikar pay laeng ti nasao a listaan.
