Nairuaren ti listaan dagiti sangapulo ket lima a senador a nagbotos tapno masukatan ni Senador Juan Miguel Zubiri kas Senate President.
Karaman ditoy da Alan Cayetano, Pia Cayetano, Ronald Dela Rosa, Francis Escudero, Jinggoy Estrada, Christopher Lawrence Go, Lito Lapid, Imee Marcos, Ramon Revilla Jr., Francis Tolentino, Raffy Tulfo, Robin Padilla, Grace Poe, Cynthia Villar ken Mark Villar.
Inaklon met ni newly-installed Senate President Escudero nga isuna ti addaan initiabo tapno masukatan ni Zubiri kas dadaulo ti Senado.
Ado met dagiti naklaat idi naduktalan a karaman ni Bato kadagiti senador a nangpabor iti pannakasukat ni Zubiri kas Senate President gapu ta maysa daytoy kadagiti senador a naimatangan nga agsangsangit idi madama ti panagbitla ni Zubiri para iti pormas a panaglusolosna iti pwesto.
Kabayatanna, nagtalinaed met a loyal dagiti innem a senador kenni Zubiri gapu ta saan dagitoy a nagbotos.
Karaman ditoy da Sonny Angara, Nancy Binay, JV Ejercito, Sherwin Gatchalian, Loren Legarda ken Joel Villanueva.
Kabayatanna, dagiti met Senate Minority members a da Risa Hontiveros ken Koko Pimentel ket nag-abstain gapu ta agtalinaed dagitoy iti minority
