Inruar ti Philippine Statistics Authority ti listaan dagiti trabaho iti pagilian nga addaan iti kangatoan ken kababaan ti sweldona iti innaldaw.
Maibasar iti resulta ti Labor Force Survey (LFS) idi Enero 2025 a nairuar ita laeng nga aldaw, adda ti lima a trabaho nga addaan iti kangatoan nga innaldaw a sweldo.
Umuna ket dagiti managers nga umaw-awat iti average daily wage a P1,300. Dagitoy dagiti agpaplano, agdidirek, agcocoordinate ken ag-evaluate kadagiti over-all activities ti enterprises, governments ken dadduma nga organisasyon.
Maika-dua ket dagiti trabaho iti Armed Forces nga umaw-awat iti P1,174 average daily wage.
Maikatlo ket dagiti professionals nga umaw-awat iti daily basic pay a P1,173. Dagitoy ket dagiti mangipatpatungpal iti “scientific wenno artistic concepts ken theories.
Maikappat ket dagiti technician nga umaw-awat iti P855 tunggal aldaw. Dagitoy dagiti mangipatpatungpal iti teknikal a trabaho a konektado kadagiti scientific wenno artistic concepts, operational methods, ken dagiti regulasyon iti gobyerno ken negosyo.
Maikalima ket dagiti clerical support workers nga addaan iti daily basic pay a P739.
Kabayatanna, dagitoy ket lima a trabaho nga addaan iti kababaan ti sweldona tunggal aldaw.
Elementary occupations — P416
Skilled agricultural, forestry, and fishery workers — P418
Service and sales workers — P531
Plant and machine operators and assemblers — P572
Craft and related trades workers — P573
