Insingasing ni Senator Panfilo Lacson nga agtalinaed ti livestreaming iti panagdengngeg ti bicameral conference committe uray no suspendido ti sesyon dagitoy tapno maliklikan ti anyaman a kuwestionable a negosasyon iti likod ti camera.
Sigun kenni Lacson, rumbeng a makita ti publiko dagiti mapaspasamak iti bicameral conference committee wenno Bicam no sadino taltalantanen dagiti mangibagbagi iti senado ken Kamara ti bukod da a bersyon iti singasing a 2027 national budget.
Innayon pay ti senador nga idi ngamin napalabas a tawen, naaadaan iti nagadu a suspensyon iti panagdengngeg iti bicam no sadino posible a napagsasaritaan dagiti mammanday linteg dagiti dadduma nga issue seknan iti pondo kadagiti area a saan a maala ti camera.
Malaksid iti panagtalinaed iti livestream, kinidaw metlaeng ti senador a makissayan dagiti suspensyon iti panagdengngeg.
Sigun kenkuana, rumbeng laeng a masuspindir ti sesyon no kasapulan kas iti panag-inana tapno maliklikan dagiti pribado a panagsasarita seknan iti probisyon ti budget.
