Pinagtinnulongan dagiti kameng ti Kabayan Municipal Police Station, porters ken tour guides a bagkaten ti maysa a local tourist a natalimudaw bayat ti panagsang-atna iti Mt. Pulag Protectec Landscape idiay Kabayan, Benguet idi Disyembre 8.
Sigun iti report ti Kabayan Municipal Police Station, natalimudaw ti local tourist gapu iti over fatigue ken hypothermia.
Ti hypothermia ket maysa a kondisyon a mapaspasaran ti maysa a tao nu bumaba ti temperaturana ti bagina gapu iti nalammin a panawen.
Naiturong met ti maseknan iti homestay idiay Babalak, Bashoy, Kabayan para iti panag-inana daytoy nga iti agdama ket addan iti nasayaat a kasasaad.
Kagiddan iti nasao nga insidente, nagpalagip manen dagiti maseknan nga opisina kadagiti hikers a siguradoenda a nasayaat ti kondisyon ti bagida ken agaramatda ti napuskol a bado sakbayda nga ag-hike idiay Mt. Pulag.
