Ipatpatungpal iti siudad ti Baguio ti “Pansa Nopen” initiative, a mangisubsubli iti tradisional nga aramid iti naalwad a panagaramat ken panangusar kadagiti banag– prinsipyu a maipatpatungpalen iti kultura sakbay pay a dimteng ti moderno a circular economy.
Sigun kenni Architect Donna Rillera Tabangin, ti programa ket nakapokus iti lokal a kultura a kas iti panangipasa iti kawes kadagiti ubbing a kakabsat ken panangi-extend iti kawagaan tapno maliklikan ti basura.
Karaman iti proyekto ti tallo a kangrunaan a programa a kas iti Bida Barangay para kadagiti pilot barangays ken waste pickers, Circular Economy 101 a mairamraman iti K-12 curriculum usar iti indigenous storytelling, ken Circular Tourism tapno aramiden a sustainable ti sektor iti turismo.
Panggep daytoy nga aramiden a nadalus, inklusibo, ken ‘creative’ ti siudad iti Baguio kas vision iti tawen 2043.
