BAGUIO CITY – Guygoyugoyen iti lokal a gobierno iti siudad ti Baguio dagiti grupo ken organisasion nga agadaptar kadagiti waterways tapno tumulong iti panagdalus, ken panangpapintas kadagitoy.
Sigun kenni CEPMO Chief Atty. Rhenan Diwas, palawaen iti siudad ti Adopt-a-Park Program tapno mairaman dagiti karayan ken dadduma pay a pagayusan iti danum.
Karaman kadagiti pagpokusanda ti uppat a kangrunaan a river systems iti siudad—Balili, Bued, Ambalanga ken Asin-Galiano.
Makipaset dagiti adopter iti cleanup drives ken panangmintinir kadagiti mula iti agid ti waterways, a manamnama a makatulong iti panangpasayaat iti kalidad iti danum ken climate resilience iti siudad.