--Ads--
![](https://img.bomboradyo.com/baguio/2019/12/rape-minor.png)
BAGUIO CITY – Sumango iti kaso nga acts of lasciviousness ti maysa a lolo gapu iti namin adu a panangmolestiyana iti mismo nga apona iti mismo a pagtaenganda sadiay Atok Trail, Baguio City.
Sigun iti pulisya, agtawen ti senior citizen iti 61 bayat nga agtawen iti walo ti apo daytoy a babai.
Maibasar iti reklamo ti ina ti biktima, immuna a napasamak ti panangmolestiya iti anakna idi December 6 ken naulit iti December 8.
Kinunana a nadlawna ti panagbaliw ti diar ti anakna.
Naduktalan iti imbestigasyon nga ig-iggeman ti nasao a lolo ti pribado a paset ti bagi ti ubing kabayatan ti panagbuybuya dagitoy iti telebisyon.
Naipasidong iti medico legal ti ubing bayat a maipilan ti kaso kontra iti suspek.