--Ads--
BAGUIO CITY – Dumanon iti duagasut duapulo a ribu a pisos ti mapattapatta a gatad dagiti nadadael a sanikua iti uneg ti maysa a balay sadiay Sitio Chaap, Bantey, Tadian, Mt. Province idi kalman.
Pimmusay iti nasao nga insidente ti agtagikua iti balay a ni Alfredo Pagapa, 84, naasawaan, ken residente iti nasao a lugar.
Naamuan a naan-anay a nauram ti dua a kadsaaran a balay ti biktima, ken narekober ti bangkay ni Pagapa kalpasan a nasebseban ti uram.
Maibasar iti imbestigasyon, nabaybay-an ti mapupuoran a kayo iti kusina a masarakan iti maikadua a kadsaaran ti balay agingga a nagkayamkam ti apoy.
