--Ads--
Nakompirmar ti panagsina dagiti Longtime couple a da Julia Barretto ken Gerald Anderson idi Huebes, September 18, 2025.
Sigun iti nalatak a talent management, mutual a desision ti panagsina dagiti sigud nga aginnayan-ayat.
Kidkiddawen met dagitoy ti respeto ti publiko seknan iti desision da Gerald ken Julia.
Kabayatanna, inyunay-unay ti talent management ni Julia a palso dagiti dadduma nga agwarwaras a damag maipapan iti rason iti panagsinada agsipudta ,desisyonda a dua nga agsina.
Impaganetget pay ti management a dagiti laeng impormasion a direkta a magapu kenni Julia wenno Gerald ti maibilang a pudno.
Mailagip a lima a tawen ti relasion da Gerald ken Julia no sadino, opisial a naiwaragawag idi 2021.
