Saan a bumaba iti 9 a piraso dagiti alahas nga addaan iti nailadawan nga “inestimable heritage ken historical value” ti natakaw manipod iti nalatak a Louvre Museum idiay Paris, France idi laeng kalman.
Sigun kadagiti opisyalas, karaman kadagitoy ti alahas a tagikua daydi Emperor Napoleon ken ti asawana ken daduma pay a saanen naidetalye.
Daytoy ket kalpasan a nagpammarang a construction worker dagiti suspek a nagaramat iti construction ladder tapno makastrek iti nasao a museyo.
Sigun kadagiti otoridad, pinilit a linukatan dagiti suspek ti maysa a tawa iti museyo ken simrekda iti Apollo Gallery a nakaikabilan dagiti French crown jewels ken daduma pay nga artifacts.
Rumrumwar met a nagaramat dagiti suspek iti babassit a chainsaws tapno ma-crack open dagiti nakaiyunigan dagiti nakadisplay nga alahas.
Maatap a napasamak ti panagtakaw iti las-ud laeng iti pito a minutos.
Iti agdama, manarimaan paylaeng ti imbestigasyon ken maipinpinal ti listaan iti balor dagiti amin a natakaw.
