Mangipila ti kaso a kriminal ti Land Transportation Franchising and Regulatory Board (LTFRB) kontra iti taxi driver ken operator idiay Cebu a maatap a nangsingir iti sobsobra a pamasahe iti maysa a South Korean singer.
Sigun iti nasao nga opisina, malaksid iti immunan nga administrative case, makanselar ti prangkisa ti operator ken maimpound ti nasao a taxi.
Makikoordinarda metlaeng iti ahensya ti Land Transportation Office (LTO) para iti posible a pannakakumpiskar ti lisensiya ti driver.
Nagramot ti insidente kalpasan a nagviral iti social media ti pablaak ti Kpop idol a ni Soobin iti boy group a TXT no sadino imbinglay daytoy a sobra ti singinirda a pamasahe kenkuana.
Manipud gamin iti P350 a pamasahe, pinagbayadda daytoy ti P500 agingga dimmanon iti P1,000 ti nagbalin a singir kenkuana ti nasao a driver.
Sigun kenni LTFRB Chair Vigor Mendoza II, agserbi kas “test case” ti nasao a pasamak para iti maysa a baro a polisiya a mangiduron iti dagos a panangipila iti kaso a kriminal ken pannakaimpound ti taxi kadagiti manggundaway a managsingir iti nalablabes a pamasahe.
“Enough is enough. Despite all the understanding the government has extended to these people, they still commit misconduct that brings shame to our country,” sigun kenni Mendoza. //bombokaren.c.s
