Paingten ti Land Transportation Office (LTO) ken ti Land Transportation Franchising and Regulatory Board (LTFRB) ti pannakaiparit ti overloading kadagiti public utility vehicle (PUV) iti pagilian.
Iti sidong ti anti-overloading (anti-sardinas) policy, maiparit dagiti public utility vehicles nga agilugan iti subra no iti maximum capacity set dagiti manufacturers.
Sumango dagiti naglabsing iti nasao a pagannurutan iti suspenso, pannakakanselar ti Certificate of Public convenience wenno ti otoridad dagitoy nga ag-operate.
Sigun kenni LTO Chief Gregorio Pua, manamnama ti adu a law enforcers a mangmonitor kadagiti kangrunaan a kalsada ken highways tapno maimplementar ti nasao a polisiya.
Ti nasao nga addang, ket kasaruno dagiti reklamo a maaw-awat ti LTFRB manipud kadagiti commuters a mariribukan kadagiti overloading a lugan.