Naibinsa-binsan dagiti lugar a mapangpanggep a pakaimuntaran dagiti nuclear power plant ti Pilipinas.
Sigun ti Department of Energy(DOE), pakairamanan daytoy ti Bataan,Pangasinan, Camarines Norte, Masbate ken Puerto Princesa.
Dagiti nasao a lugar ti napili kalpasan ti panangipatungpal ti gobyerno iti pisikal nga inspeksyon.
Sigun iti nasao nga ahensya, puntiryada a maaddaan ti Pilipinas iti commercially operational nuclear power plants mangrugi inton 2032.
Mapangpanggep ti 1200 megawatts a kapasidad para initial nuclear energy ken mapalawa iti agingga 4800 megawatts apaman a madanon ti 2050.
Mainaig iti dayta, kinuna met iti Department of Science and Technology- Philippine Nuclear Research Institute a ti kapartakan a pamay-an tapno makastrek ti Pilipinas iti nuclear energy ket ti panaglukat manen ti operasyon iti Bataan Nuclear Power Plant.
Inlawlawag ti nasao nga opisina a saan a mabalin a mangibangon iti nuclear plant asideg iti aktibo a bulkan.//Rob
