BAGUIO CITY–Binallaagan ti mayor ti Sablan, Benguet dagiti amin nga agtagikua ti pagtagilakuan sadiay kalpasan iti naiyuman iti opisinana iti nangato unay a presio dagiti lako dagitoy.
Iti panakiyuman ti Bombo Radyo Baguio kenni Sablan Mayor Manuel Munar, kinunana nga adun ti naaw-awatna a reklamo seknan iti nasao a banag.
Sigun kenkuana, ti nangato unay a presyo dagiti produkto sadiay ti maysa a rason iti panagturong dagiti residente dagitoy iti siudad ti Baguio ken sadiay La Union.
Kagiddan iti daytoy, binalakadanna dagiti amin a residente ti Sablan iti saanda pay a panagturong sadiay San Fernando, La Union kalpasan a nakailista sadiay ti adu a kaso ti COVID-19.
Dinakamatna pay a nalimitaran ti panangipaay ti lokal a gobierno ti Sablan kadagiti passes a paturong sadiay La Union.
Kabayatanna, naipalubusen ti panagilako ti arak sadiay Sablan.
Nupay kasta, kinuna ni Mayor Munar a maipawil paylaeng ti panaginom ti arak kadagiti para-publiko a lugar sadiay.
