BAGUIO CITY–Naipaulog ti pammilin para iti pannakaipatungpal ti imbistigasyon seknan iti damag wenno report a panaglabsing iti priority rule iti pannakaiwaras dagiti bakuna kontra COVID19 kadagiti opisyal ti Saint Louis University (SLU) ditoy Baguio City.
Sigun ken Baguio City Mayor Benjamin Magalong, mangipatungpal dagitoy iti imbistigasyon kasaruno iti panangduktalna nga adda dagiti SLU executives pakairamanan ti presidente ti nasao a pagagasan a nainayunda iti linya dagiti prayoridad a mabakunaan
Inmunan iti dayta, adda iti report nga inaklon ni Fr. Macwayne Mangiwang, SLU parish priest a nakaawat daytoy iti umuna a dose ti bakuna partikular ti Sinovac Vaccine idi Marso 9.
Malaksid iti dayta, kinumpirmar metlang dagiti Personnel ti nasao a pagagasan nga inmunan a nakaawat iti dose ti nasao a bakuna ken karaman kadagiti priority sectors a nakagiddanda dagiti opisyal dagitoy a nabakunaan
Gapu iti dayta, kinuna ni Magalong a nangipaay daytoy iti pammilin iti dadaulo ti city health services office a ni Dra. Rowena Galpo tapnu mangiyuswat iti imbistigasyon iti nasao a banag
Kabayatanna, inaklon met ni Cordillera regional health office chief Ruby Constantino nga awan ti naaw awatda a report seknan iti daytoy
Inlawlawag pay ni Constantino a nangipaulogda iti memorandum seknan iti pannakaidanun kadakuada ti nagan dagiti nairaman a nabakunaan a saan a karaman iti priority list tapnu mai-verifyda ken maipormaran dagiti maseknan a local government unit tapnu makiddaw iti palawag dagitoy
Malaksid iti dayta, impettengna iti strikto a panangsurotda iti priority list nangruna iti AstraZeneca gapu ta nainget a sumursurotda iti katulaganda iti COVAX seknan iti panangsurot kadagiti adda iti listaan
