BAGUIO CITY – Inkalintegan ti mayor ti siudad ti agtultuloy nga implementasyon ti Sunday Market Encounter sadiay Session Road.
Kasaruno daytoy iti panangbabalaw dagiti Public Market Associations iti pannakaipatungpal ti nasao a market showcase.
Sigun iti Mayor, nailukat ti nasao a market showcase para kadagiti Small and Medium Enterprises tapnu matulonganda a makasubbot manipud iti pukawda gapu iti agdama a pandemya
Inlawlawlawagna a maysa nga aldaw laeng a maipatpatungpal ti showcase encounter no idilig iti regular a panaglako dagiti market vendors iti merkado publiko
Impaganetgetna a dakkel ken ado ti natulongan ti nasao a programa ti siudad isu’t gapu a saanna nga a pabpaboran ti rekomendasion a pannakaisardeng iti daytoy.
Indipensa pay ti mayor nga awan ti dadduma a lugar a mabalin a pakaipatungpalan ti nasao showcase encounter malaksid laeng iti session road.
Kagiddan iti daytoy, kinunana a manamnama a maksayan 50 a porsiento ti bilang dagiti pwesto sadiay merkado publiko tapno mawayaan ti kalsada para kadagiti dadduma nga aktibidad
Impeksana pay a supsuportaranna ti panaka-institutionalize ti nasao a showcase encounter.
