BAGUIO CITY – Manamnama a madoble ti masingir a babayadan kadagiti indibidual nga agturong iti nalatak a Mount Pulag sadiay Kabayan, Benguet iti tunggal weekends ken holiday iti kanito a mailukat daytoy kadagiti turista.
Dinakamat ni Mount Pulag National Park Superintendent Emerita Albas a sakupen ti baro a polisiya ti environmental fee, entrance fee, medical certificate, tour guide fee, cultural Fee, green Fee ken daddumma pay.
Kinuna a nakedngan ti nasao a polisiya kalpasan a naobserbaranda nga ado dagiti agpalpalista nga agturong sadiay iti weekends ken holidays.
Inlawlawagna a babaen iti baro a polisiya ket malimitaran ti bilang dagiti indibidual nga agturong iti nalatak a bantay.
Innayona a makatulong metlaeng daytoy tapnu makakolektarda ti pamastrekan kalpasan a nabusbos ti nabati a pondoda a nangbayad kadagiti empleyado a nagmonitor iti bantay ken dagiti timmulong iti relief distribution kabayatan iti granular
