Mabirukanto metlaeng dagiti otoridad ti sigud a dadaulo ti Bureau of Corrections a ni Gerald Bantag.
Daytoy ti nagbalin a sungbat ni Department of Interior and Local Government Secretary Jonvic Remulla idi dinamagda kenkuana bayat ti press briefing nu anya ti update kenni Bantag.
“Wala pa. We know where he is, but we haven’t found him yet, but we will find him soon,” Remulla said.
(Awan pay. Ammomi mi ti ayanna ngem saanmi pay a nakita isuna, ngem mabirukanto metlaeng,” kinuna ni Remulla).
Maipalagip nga idi napan a tawen ket impeksa ni Dominic Clavano, ti spokesperson ti Department of Justice a nakalukat ti opisinada a makipagnegosasyon kenni Bantag para iti posible a boluntaryo nga isusukona.
Dinakamat pay idi ti Department of Justice nga adda ti impormasyon maipapan iti lokasyon a paglemlemmengan ni Bantag ngem inaklon ti nasao nga ahensiya a narigat daytoy a matiliw.
“We are aware of his whereabouts, it’s just that alam naman natin na hindi talaga yan papayag na magpahuli ng buhay kaya mahirap din na ilagay natin yung ating mga law enforcement agencies and agents in a dangerous spot,” Clavano emphasized.
(Ammo tayo ti ayanna ngem ammo tayo a saanna nga itulok a matiliw a sibibiag isut gapuna a narigat metlaeng nu itulok tayo a mapan dagiti law enforcement agencies ken agents tayo iti delikado a lugar).
Maipalagip a sumangsango ni Bantag iti kaso a murder gapu iti mapapati a pakainaiganna iti pannakapapatay ti broadcaster a daydi Percy Lapid.
