Inwaragawag ti House prosecution panel a saandan nga ipresenta ni Ramil Madriaga, Col. Raymund Lachica, ken Col. Dennis Nolasco kas testigo iti impeachment trial of Vice President Sara Duterte.
Nagserbi da Lachica ken Nolasco kas hepe ken deputy chief ti Vice Presidential Security and Protection Group.
Maatap nga inwarasda ti confidential funds ti Office of the Vice President ken Department of Education nga indauluan ni Duterte.
Sigun kenni prosecution panel adviser Robert Ace Barbers, saanen a kasapulan ti testimonya dagiti nadakamat a personalidad agsipudta pinaneknekanen dagiti immuna a testigo ti alegasyon dagitoy kontra iti bise presidente.
Pinaburan daytoy ni Manila Rep. Benny Abante ken kinunana nga umdasen ti testimonya ni sigud nga Special Disbursing Officer (SDO) ti Office of the Vice President (OVP) a ni Gina Acosta.
