Inlawlawag ni Mayor Benjamin Magalong a saan dagitoy a direkta nga agala iti danum manipud ti reservoir iti Ambuklao dam no diket manipud iti outlet laeng wenno ti “pataponna/palabasna”
Sigun kenni Magalong ti nasao a panggep ket resulta ti dua a tawen a feasibility study a pinondoan iti UK government tapnu maadaan ti sustainable water source iti syudad.
No sadinno Ambuklao ken Binga dam ti nakita dagitoy a mabalin a pagalaan ti danum.
Impeksa ti mayor a maysa kadagiti kangrunaan a maapektaran ti El Niño ket iti syudad no sadinno perennial problem ti syudad ti kinakurang ti danum.
Maibasar met iti datos manipud iti feasibility study a naipatungpal, 1% laeng ti maala a danum ken saan laeng a para daytoy iti syudad nu diket iti BLIST areas.
Kabayatanna, dagdagen ni Mayor Magalong ti National Water Resources Board (NWRB) kalpasan a nadelay ti approval iti Deep well strategic management plan iti syudad kas maysa kadagiti makitkita a preparasyon ken solusyon iti pangta ti super El Niño.
Sigun iti opisyal, ti plano ket napateg launay tapnu mapabileg ti water security ken preparasyon para iti manamnama a super El Niño
Panggep metlaeng ti plano a maimanehar dagiti deepwells kangrunaan dagiti illegal a deepwells.
Innayunna nga agarup 900 dagiti illegal a deepwells iti siudad pakairaman dagiti hot-hotels.
“Hindi nami kayo nararamdaman dito sa syudad ng Baguio…kaya sana magising na kayo.”- Magalong
Inlawlawag met ni Magalong a dagiti illegal a deepwells ket saan a maisara amin no diket mabalin a maadaan ti co-management.
Ti importante kuma ket maregulate ken maipaayan ti permit dagiti deepwells babaen ti nasao a plano.
Iti sabali a bangir, impeksa met ni Magalong a mas prepared iti syudad ita kumpura iti naglabalabs a tawen maipapapan iti manamnama nga epekto ti super typhoon nangruna ta nanayunan dagiti deepwells ken dadduma pay. //Bombo Noveh Organo
