Dinnayyeg ti magnitude 7.6 a ginggined ti Misawa sadiay Japan idi Lunes, December 08, 2025; nangtignay daytoy iti tsunami warnings ken pammilin nga umakar dagiti umili.
Sigun iti Japan Meteorological Agency (JMA), posible nga adda iti 10 feet a kangato ti tsunami a posible a tumama iti northeastern coast ti Japan.
Resulta daytoy ti napasamak a ginggined iti pasado alas dies ti rabii iti oras ti pagilian.
Naipaulog ti Tsunami warnings iti Hokkaido, Aomori ken Iwate; bayat a naobserbaran ti 40cm a tsunami iti Mutsu Ogawara ken Hokkaido’s Urakawa ports.
Agtultuloy paylaeng ti panagsukimat dagiti maseknan nga otoridad ken ahensia kadagiti posible a nadangran.
Kabayatanna, impasigurado ti Philippine Institute of Volcanology and Seismology (Phivolcs) nga awan ti tsunami threat iti pagilian a Pilipinas gapu iti nasao nga insidente.
