Nagballaag ti Philippine Institute of Volcanology and Seismology (PHIVOLCS) iti publiko tapno agsagana dagitoy iti kanito a sumangbay ti magnitude 8 a ginggined iti pagilian a Pilipinas.
Sigun kenni Philippine Institute of Volcanology and Seismology Director Teresito Bacolcol, manamnama a mapasaran ti napigpigsa pay a ginggined a dumanon iti magnitude 8.
Kabayatanna,kinunana a mabalin nga agpaut iti lima a minutos ti umuna a tsunami waves kalpasan ti ginggined isu’t gapuna a kasapulan ti dagus pannakaipaulog ti tsunami alerts para iti seguridad dagiti tumunggal maysa.
Idagdagadagna met iti publiko partikular dagiti agnanaed kadagiti igid ti baybay nga ipangpangrunada dagiti senyales ti “Shake, Drop, and Roar” kasaruno ti manamnama a ginggined.
Innayonna pay a kasapulan ti dagus a panagbakwit dagiti indibidual kadagiti nangatngato a lugar tapno maiyadayoda iti aniaman nga insidente.
