Naipatungpal ti maika-53 a Memorial Service idiay Japanese Garden Governor Pack Road idi October 24,2026.
Ti nasao nga aktibidad ket kas pananglagip, panangipaay respeto ken panagyaman kadagiti nagsakripisyo bayat ti World War II.
Personal a dimmar-ay ditoy ni Chief Consul Masakazu YAMAZAKI, Defense Attache Hideki YAMASHITA- Embassy of Japan Manila, Councilor Jose Molintas ken dadduma pay nga opisyales.
Sigun Arnel Cabanisas, Executive Director ti Filipino- Japanese Foundation of Northern Luzon, Incorporated, sumagmamano kadagiti nakipaset iti memorial service ket dagiti descendants dagiti pimmusay a banuar ken daduma pay.
Impeksa pay ni Cabanisas a ti nasao a Japanese Garden ket maysa kadagiti kadakellan a memorial Garden dagitoy iti pagilian a Pilipinas.
Maipalagip a ti Japanese Garden ket naipasdek idi Feb. 11, 1973 no sadinno ti lote ket indonar ti City Government of Baguio iti sidung ti liderato ni Mayor Luis Lardizibal babaen ti kooperasyon iti Baguio Lions Club.
Ti construction daytoy ket napondoan manipud iti donasyon kadagiti Japanese veterans, widows ken pamilya dagitoy.
Bayat ti programa, naibinglay a ti nasao a garden ket saan a tribute kadagiti pimmusay bayat ti Second World war nu diket simbolo daytoy iti ‘everlasting peace’ para ti amin.
Maiparparang iti garden ti napreserbar a Historic booklet a pinirmaan daydi sigud a Prime Minister Kakuei Tanaka, sigud a Minister of Health and Welfare Kuniyoshi Saito ken sigud a Minister of Education Masajuro Shiokawa.
Kalpasan ti memorial service ket naipatungpal ti Interactive Japanese Cultural Program sadiay Abong, #3 Bukaneg St., Baguio City no sadinno naiparaman kadagiti nakipaset iti nasao a programa dagiti sumagmamano a delicacies ti Japan kas iti Yakisoba Stir- Fry; Tokayaki and Taiyaki Show: Mini Tea Ceremony ken Chopstick Contest. // via Bombo Vy
