--Ads--
Kinablaawan dagiti daduma kadagiti world leaders ken dagiti Katoliko manipod nagduduma a lugar ni Pope Leo XIV a nangmarka iti maika-70 a panagkasangayna idi laeng kalman.
Pakairamanan daytoy ni United States President Donald Trump a nangipaay iti chocolate birthday cake babaen kenni US Ambassador to The Vatican Brian Burch.
Kadagiti nairuar a panakiuman iti Santo Papa, naibinglay daytoy dagiti “huge learning curve” kabayatan ti panagbalinna kas dadaulo iti Simbaan Katoliko.
Iti panakarambak ti panagkasangay daytoy, adu dagiti nangipatulod iti “Happy birthday” banners, lobo, ken congratulatory signs a naimatangan iti St. Peter’s Square.
Pinagyamanan met ni Pope Leo ti Namarsua ken dagiti amin a nangikarkararag kenkuana.
