Alas onse ti rabii, Pebrero 20, 2025 ket agsango manen da sigud a ONE Bantamweight World Champion Kevin “The Silencer” Belingon ken ti Brazilian MMA legend a ni Bibiano “The Flash” Fernandes iti maikalima a gundaway.
Ti laban dagitoy met maangay idiay Lusail, Qatar nu sadino manamnama ti nainget a bakbakan gapu ta agpada a determinado dagiti dua a paneknekan ti pigsa dagitoy.
Panggep ni Belingon a paneknekan manen ti kinalaingna ken ipakita a kabaelanna nga abaken ni Fernandes.
Nupay kasta, kayat met ni Fernandes nga ipakita nga isuna latta ti kapigsaan iti dibisyon.
Para kadagiti fans, mangrugi ti main card iti alas onse ti rabii iti pagilian a Pilipinas ken mabalin a mabuya daytoy iti official website ti ONE Championship ken dadduma pay nga official broadcasting partners daytoy.
Nabayagen nga agkaribal da Belingon ken Fernandes iti ONE Championship.
Iti uppat nga immunan a laban dagitoy, namindua a nangabak ni Fernandes bayat a maysa met a daras a nangabak ni Belingon.
Ti maysa a laban dagitoy ket nagleppas iti controversial disqualification nga isu ti ad-adda a nangpapudot iti kompetisyon.
