Naipila ti maika-upppat nga impeachment complaint kontra kenni Vice President Sara Duterte sumagmamano nga oras kalpasan nga indeklarana ti panag-ngayangayna kas Presidente inton 2028 election.
Ti nasao a reklamo ket impila ni Atty. Nathaniel Cabrera no sadino ak-akusaranna ti bise presidente iti maatap a betrayal of public trust ken culpable violation of the Constitution.
Gapu paylaeng daytoy iti maatap a misuse of P612.5 million a confidential funds ken maatap a panangpangtana iti biyag ni President Ferdinand Marcos, Jr. ken iti pamilya daytoy.
Inawat met ni House Secretary General Cheloy Garafil ti nasao a reklamo itay alas-syete ti rabii.
Ti nasao nga impeachment complaint ket inendorso ni House Deputy Speaker ken La Union 1st District Representative Paolo Ortega V ken House Human Rights panel Chairperson ken Manila 6th District Representative Bienvenido Abante. // Bombo Karen Calpoe Sapirao
