Nagturungen ti maikadua a batch ti Philippine contingent a mangipaay iti disaster response and humanitarian assistance iti napasamak a ginggined idiay Myanmar.
Sigun kenni Air Force spokesperson Colonel Ma. Consuelo Castillo, inmikkaten iti Villamor Air Base idiay Pasay ti C-130 aircraft a nagluganan ti 33 a miembro ti contingent.
Maipalagip nga immuna a nagturong ti Philippine Contingent idi Martes (April 1) idiay Myanmar, buklen daytoy ti 58 a miembro.
Karaman ditoy dagiti miembro iti Philippine Army, Philippine Air Force, Bureau of Fire Protection, Metropolitan Manila Development Authority, Department of Environment and Natural Resources ken Private Sector (EDC and APEX Mining).
Malaksid iti dayta, karaman metlaeng ditoy dagiti medical assistance team manipud iti Department of Health (DOH) ken OCD coordinators.
