Kagiddan iti aktibidad para iti Cardiopulmonary Rescuciation Day iti siudad ti Baguo , naintroduce metlaeng ti CPR Training Kisk wenno Interactive Mobile CPR kiosk.
Naaramid daytoy babaen iti partnership ti siudad iti American Heart Association tapno adadda a ma-equip dagiti residente iti kinaammo ken kumpiyansada iti panangresponde iti cardiac emergencies.
Ti nasao a CPR Training Kiosk iti siudad ket ti maikadua paylaeng iti entiro a Pilipinas.
Ti maysa pay a kiosk ket masarakan idiay Ormok, Leyte.
Impeksa ni Halog nga iti agdama, maikabil pay laeng ti nasao a machine iti lobby ti City Hall.
Innayonna a nu magun-odda ti target dagitoy, posible a nayunan pay ti American Heart Assosiation ti nasao a machine.
Iti agdama, adadalen ken pampanunotenda pay laeng nu posible a maiturong daytoy kadagiti babbarangay ken pagadalan iti siudad. //Bombo Noveh
