Indeklara ni President Ferdinand “Bongbong” Marcos Jr. ti maikapat a lawas ti Oktobre iti tunggal tawen kas “Moving Forward Paddling Week Philippines iti bileg ti Proclamation No. 699.
Manggep daytoy nga itandudu ti pagilian a Pilipinas kas prime paddling destination ken mangguyugoy para iti pannakaawat daytoy kas sport ken leisure activity.
Gapu iti daytoy, nabilin ti Philippine Sports Commission (PSC) a mangidaulo, makikoordinar, ken mangimaton iti pannakarambak ti Moving Forward Paddling Week Philippines, ken mangilasin kadagiti programa, aktibidad ken proyekto para iti pannakarambak ti nasao nga aktibidad.
Iti sidung ti proklamasion, ti Paddling forward ket mangisimbolo iti panagkaykaysa ken pigsa tapno magun-od ti panagrang-ay kas maysa a Filipino nation ken dadduma pay.
Rumbeng met a makitinnulong dagiti amin a national government entities, agraman dagiti negosio a kukua wenno kontrolado ti gobierno (GOCCs) ken dagiti state universities and colleges (SUCs) iti umno a pannakaipatungpal iti Proklamasion 699.
Maguyguyugoy met dagiti local government units (LGUs), non-government organizations (NGOs), professional associations, ken pribado a sektor, a mangipaay iti suporta iti sports body.
Kabayatanna, agserbi ti pagilian kas host iti 2024 International Canoe Federation Dragon Boat World Championship manipud Oktubre 28 agingga Nobiembre 4, 2024, sadiay Puerto Princesa City, Palawan, kas paset ti 2024 Moving Forward Paddling Week Philippines.
