BAGUIO CITY – Balligi a naipama iti Tabuk City, Kalinga ti maikapat a molecular laboratory dagitoy.
Maipalagip a tarigagay ti lokal a gobyerno a maadaan iti bukkodda a makina tapnu saanen nga agdependar kadagiti kabangibangda a probinsiya.
Sigun kenni Mayor Darwin Estrañero, immunan a pinuntirya ti siudad a mairugi ti operasyon daytoy ita a bulan ngem nabayagan ti pannakaisangpet dagiti materyales rason ti pannakaitantan ti operasyon inton Abril.
Kinunana a sakbay a maipaay iti lisensiya ti lokal a gobyerno nga ag-operate ket maipasidong pay ti molecular laboratory iti inpeksyon babaen iti health department.
Inlawlawagna a maaramat ti molecular laboratory iti reverse transcription polymerase chain reaction (RT-PCR) tests a mangsukimat kadagiti indibidual a nakaptan iti COVID-19 nu sadino dumanon laeng iti maysa agingga dua nga aldaw ti panag-uray iti resulta.
Maipalagip nga iti rehiyon Cordillera ket kaunaan ti Baguio General Hospital and Medical Center a nakagatang iti molecular laboratory, sinaruno ti Bauko-based Luis Hora Regional Memorial Hospital ken La Trinidad-based Benguet General Hospital (BeGH).
