Maituloy intun Lunes, July 13 ti maikapat nga impeachment trial ni Vice President Sara Duterte iti Senate impeachment court.
Uppat nga articles ti impeachment ti sangsangwen ti bise presidente a pakairamanan ti maatap a saan nga umno a panagaramatna iti nasurok P612 million iti confidential funds; saan nga umno a panagamaramat iti confidential funds kabayatan ti panagtakemna kas Education secretary; saan a mailawlawag a kinabaknangna ken ti asawana; ken ti maatap a panagpangtana iti biag ni President Ferdinand Marcos Jr., First Lady Liza Araneta-Marcos, ken sigu a House Speaker Martin Romualdez.
Impetteng ti prosecution a ti impeachment case ket maipapan iti panagsungbat bayat nga ikalkalintegan ti kampo ni VP Duterte a napolitikaan ti adda iti likudan daytoy tapno malapdan ti panagkandidatona iti kina presidente intun 2028.
Maipalagip a saan a dimmar-ay ni VP Duterte iti immuna a trial, ngem nagparang iti Senado iti maikadua nga aldaw tapno makipagkita iti legal team daytoy.
Nagkedked a mangsungbat kadagiti saludsod manipud kadagiti reporters ken nangibati laeng iti ababa nga statement no sadino, kinunana nga iti daytoy a bloodbath, dihado man ngem saan nga agruknoy.
Kabayatanna, immuna a kinuna ni lead prosecutor Batangas Rep. Gerville Luistro a napnek ti prosekusyon iti immuna a dua nga aldaw ti impeachment trial.