Naideklara ti maikatlo a Mierkoles iti Hunio ti tunggal tawen kas “National Pulmonary Rehabilitation Day.”
Maibasar iti Proclamation No. 1104 a pinirmaan ni President Ferdinand Marcos Jr., panggep ti proklamasion nga ad-adda a manayunan ti pannakaammo ti publiko iti pulmonary rehabilitation kas panangagas kadagiti pasiente nga addaan iti chronic respiratory diseases (CRDs).
Maipalagip a ti Pulmonary rehabilitation ket pakairamanan ti exercise training, education, behavioral modification ken dadduma pay.
Nabigbig daytoy iti internasional kas maysa nga “standard of care” a mangpasayaat iti pisikal ken psychological well-being, mangkissay iti pannakayospital, ken mangpasayaat iti kalidad ti biag dagiti pasiente nga addaan iti chronic respiratory diseases.
