Maisagsaganan ti maikatlo nga impeachment complaint kontra ken ni Vice President Sara Duterte babaen kadagiti sumagmamano a kongresista, sigun kenni House Secretary General Reginald Velasco.
Saanen a dinakamat ti nasao nga opisial ti kanayunan a detalye ngem naipaayan daytoy ti impormasion a maipila ti reklamo iti saan a naladladaw ngem inton sumaruno a lawas.
Puntiria ti Office of the House Secretary General a maipaay inton sumaruno a lawas ti amin nga impeachment complaints a naipila kontra kenni Vice President Duterte iti Office of House Speaker Martin Romualdez tapno mainayon iti Order of Business ti plenario ti House of Representatives.
Immunan nga rinugian ti panagregget dagiti mammanday-linteg manipud iti Makabayan bloc iti Kamara ti panagrunong iti kasapulan a bilang dagiti pirma manipud kadagiti kameng ti Kamara iti “Resolution of Impeachment” kontra kenni Vice President Duterte.
Ti resulusion ket nakabasar iti impeachment complaint nga inyendorso ti tallo a mammanday-linteg manipod iti Makabayan itay laeng kanikadua nu sadinno, nakalanad a “betrayal of public trust” ti rason ti impeachment, ken tallo a pakaseknan mainaig iti panagaramat ti confidential funds.
