Inwaragawag ni House Deputy Minority Leader at ML Partylist Rep. Leila de Lima nga adadda a naurnos ken naisimpa a bersyon dagiti artikulo ti impeachment complaint a naisumitir idiay Senado kontra kenni Vice President Sara Duterte.
Sigun kenni De Lima, kumpiyansa daytoy a pumasa ti nasao nga reklamo iti proseso ti Kamara gapu kadagiti nakitana nga linaon ken ebidensiya ti reklamo.
Karaman kadagitoy nga ebidensya ket ti maatap a pangta kontra iti pangulo, first lady, ken kenni sigud a House Speaker Martin Romualdez, dagiti audit findings, liquidation vouchers, legislative records, ken statements seknan iti maatap a panang-abuso iti confidential fund ti Office of the Vice President (OVP) ken Department of Education (DepEd).
Ti nangipila ti nasao nga reklamo ket grupo a bukbuklen dagiti pari, pastor, madre, ken civil society members. // Bombo Karen Calpoe Sapirao
