--Ads--
Naituding a maipila ti maikatlo nga impeachment complaint kontra kenni Vice President Sara Duterte inton sumaruno a lawas, sigun kadagiti mamanday-linteg ita nga aldaw.
Sigun kenni House Secretary General Reginald Velasco, daytoy a petisyon ket ipila dagiti religious groups ngem awan ti kanayunan a detalye a naipakaammo nu anya nga aldaw ti panakaipilana ken nu anya a grupo daytoy.
Maipalagip a ti umuna nga impeachment complaint ket inyendorso ni Akbayan Party-list Rep. Perci Cendaña bayat a ti maikadua nga impeachment complaint ket babaen kadagiti Makabayan bloc lawmakers.
Manamnama met a maiforward dagiti dua a complaints iti Office of the House Speaker.
