BAGUIO CITY- Nagun-od ni undefeated Ifugao boxing sensation a ni Carl Jammes Martin ti maikatlo a titulo daytoy.
Intunda daytoy ti panangabakna kontra kenni Huerban Qiatehe manipud China para iti bakante a World Boxing Organization (WBO) Youth Bantamweight Title sadiay Bayombong, Nueva Vizcaya.
Nangabak ni Martin kalpasan ti pito a rikos ti labanda kenni Qiatehe kalpasan nga impeksa ti kampo ti Intsik a saanen a lumaban para iti maikawalo a rikos.
Iggem ti 19-anyos a pride ti Ifugao ti rekord a 9 wins nga addaan 8 a knockouts bayat nga iggem met ti 19-anyos a ni Qiatehe ti rekord a 7 wins, 1 loss ken 2 draws nga addaan ti 1 a knock out.
Malaksid iti baro a WBO Youth Bantamweight Title, iggem ita ni Martin ti WBA Asia Bantamweight Title ken ti Interim WBC – Asian Boxing Council Continental Bantamweight Title.
