Impakaamo ti sumagmamano a kameng ti House of Representatives idi kalman nga awan paylaeng ti panagsarita wenno panagtaripnong a naipatungpal seknan iti panangipila ti reklamo nga “impeachment” kontra kenni Vice President Sara Duterte iti baet ti agtultuloy a panagbabalawna ken da Speaker Ferdinand Martin Romualdez ken President Ferdinand “Bongbong” Marcos.
Sigun kenni Quezon 2nd District Representative David “Jay-jay” Suarez, awan paylaeng ti impilada bayat a kinuna met ni Antipolo Rep. Romeo Acop nga awan ti napagsaritaanda paylaeng kadagiti kakaduana a mammanday-linteg.
Idi nadamag met ni House Speaker Martin Romuadez seknan iti nasao a banag sakbay ti bicameral conference committee meeting ti 2025 national budget, saan a nagkomento daytoy.
Itay laeng kallabes, kinuna ni Manila Representative Joel Chua a pagsasaritaanda paylaeng ti impeachment kontra kenni Vice President Duterte kalpasan a kinunana a mapapatay ni President Ferdinand “Bongbong” Marcos Jr., First Lady Liza Araneta-Marcos ken House Speaker Martin Romualdez nu mapapatay daytoy.
